नेपाल भारत सिमा नाका बन्द, मानिस पनी खेलेआम हिड्न पाउदैनन्

14
192

वीरगन्ज, ३१ भदौ ।
असोज २ गते प्रदेश नम्बर २ मा हुन लागेको तेस्रो चरणको स्थानीय तह निर्वाचनको सुरक्षाका लागि भन्दै भारतसंग सीमा जोडिएका पर्साका सबै नाका ७२ घण्टाका लागि बन्द गरिएको छ। भारतसँग सीमा जोडिएका पर्साका सबै नाकाहरु शुक्रबार राति १२ बजेदेखि असोज २ गते राति १२ बजे सम्मका लागि शील गरिएको पर्साका निमित्त प्रमुख जिल्ला अधिकारी दुर्गा दत्त पौडेलले जानकारी दिनुभयो ।
पर्सा जिल्लाको १०७ किलोमिटर भू(भाग भारतको बिहारसँग जोडिएको छ । सोमबारको निर्वाचन सुरक्षाका लागि भन्दै जिल्ला प्रशासन कार्यालय पर्साले भारतसंग सिमा जोडिएको १०७ किलोमिटर सीमा क्षेत्र शील गरेको हो ।नाका शील गरिएसंगै सुरक्षाकर्मीले नेपाल(भारत आवतजावतमा रोक लगाएका छन् । भारतबाट नेपाल प्रवेश गर्ने मुख्य नाका वीरगन्ज भन्सार कार्यालय अगाडीको ढाट सुरक्षाकर्मीले खसाएर ताल्चा लगाइदिएका छन् ।
सीमा नाकामा नेपाल प्रहरी र सशस्त्र प्रहरीले साइकल, मोटरसाइकल, रिक्सा, ट्याम्पु लगायतका सबै खाले सवारी साधन आवजावतमा रोक लगाएका छन् । सीमा वारपार गर्ने पैदल यात्रुहरुलाई समेत शरीर खानतलाशी गरेर मात्रै आवात जावत गर्न दिइएको सिमा सुरक्षा कार्यलयले जनाएको छ । पर्सामा रहेका १६७ वटा मतदान स्थल मध्ये भारतसँग सीमा जोडिएका स्थानमा रहेका ७३ वटा मतदान स्थललाइ सुरक्षाको दृष्टिकोणले अति संवेदनशील मानिएको पर्साका निमित्त प्रमुख जिल्ला अधिकारी दुर्गा दत्त पौडेलले जानकारी दिनुभएको छ ।