देशैभर बाढी पहिरोको आतंक, ३२ जनाको मृत्य अरबौँ क्षती

काठमाडौ,२८ साउन ।
केही दिनदेखि परेको ठूलो पानीसँगै आएको बाढी पहिरोमा परी यो समाचार तयार पार्दासम्म विभिन्न जिल्लामा ३२ जनाको ज्यान गएको गृह मन्त्रालयले जनाएको छ ।
गृहमन्त्री जनार्दन शर्माले शनिबार पत्रकारहरुसँग कुरा गर्दै बाढी पहिरोले र्पुयाएको क्षतिको जानकारी गराउनुभएको हो । उहाँले दिएको जानकारी अनुसार झापामा ४, मोरङमा ३, सुनसरीमा ७, बारामा १, सर्लाहीमा १, बाँकेमा ३, पाँचथरमा ३, दाङमा १, सिन्धुलीमा ४, पाल्पामा १, र बर्दियामा १ जनाको बाढी पहिरोमा परी ज्यान गएको छ ।
गृहमन्त्री शर्माले बाढी प्रभावित क्षेत्रका लागि विमानस्थलमा खाद्यान्न तथा उद्धार सामाग्रीहरु तयारी अवस्थामा राखे पनि मौसम प्रतिकुल भएकाले पठाउन नसकिएको बताउनुभयो । मौसममा सुधार आउनासाथ राहत सामग्री प्रभावित क्षेत्रमा र्पुयाइने शर्माले बताउनुभयो ।
गृहमन्त्री शर्माले नेपाल प्रहरी तथा सशस्त्र प्रहरीको उद्धार टोलीलाई प्रभावित क्षेत्रमा खट्नका लागि निर्देशन दिनुभएको छ ।